|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 126 Hüküm no: 114 Orijinal metin no: [23a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Kayseri’deki Vasık Ebu İshak Evkafı mütevellisi Seyyid Mehmed’in vefatıyla yerine oğlu Seyyid Mehmed Nafiz’in tayini
Medîne-i Kayseriye’de Vasık Ebu İshak Evkā[fı]’nın …? mirâr-ı câr? evlâd-ı evlâdına meşrûta üzere ber-mûceb-i şart-ı vâkıf senevî beş keyl hınta ile vazîfe ile berat-ı âlî mütevellîsi olan es-Seyyid Mehmed b. el-Hâc es-Seyyid Mehmed’in üzerinde olduğu askerî rûznâmçesinden derkenâr olmağla bi’t-tahkīk iktizâsı i‘lâm olunmak bâbında sâdır olan fermân-ı âlîlerine imtisâlen kazâ-i mezbûr ahâlîsinden der-Âsitâne’de bulunan mevsûku’l-kelim fülân b. fülân nâm kimesneler meclis-i şer‘a celb ile keyfiyeti etrâfıyla [tahkīk] olundukda derûn-ı arzda tahrîr ve inhâ kılındığı üzere merkūm es-Seyyid Mehmed fevt olup mahlûlünden oğlu es-Seyyid Mehmed Nafiz bâ-mürâsele-i şer‘iye nasb u ta‘yîn kılındığı vâki‘ idiği müteveffâ-yı merkūmun sulbî oğlu idiği ve umûr-ı vakfı rü’yete a‘lem olup her vechile hakkāniyet üzere idâre edeceği[ni] merkūmân herbiri alâ-tarîkı’ş-şehâde [haber] vermeleriyle mütehakkık ve bedîdâr olmağın bu sûretde tevliyet-i mezkûre vazîfe-i mersûmesiyle müteveffâ-yı merhûmun mahlûlünden sulbî [oğlu] es-Seyyid Mehmed Nafiz b. es-Seyyid Mehmed’e tevcîh ve yedine berat-ı şerîf-i âlîşân inâyet ve ihsân eylediği huzûr.
|