Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 332 Hüküm no: 489 Orijinal metin no: [66a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman’ın İbrahim’e olan borcunu ödemesi ve emanet eşyaları da iade etmesi Sîm zarf hükmü Ma‘rûz İbrahim b. Mehmed nâm kimesne İstanbul Bâb Mahkemesi’nde meclis-i şer‘-i münîrde Osman b. Mehmed nâm kimesne muvâcehesinde merkūm Osman zimmetinde bundan akdem mâlımdan ve yedimden iktirâz ve kabz eylediği on guruş alacak hakkım olmağla meblağ-ı mezkûru bana edâya ve bundan akdem yedine mâlımdan i‘âre ve teslîm eylediğim yüz guruş kıymetli dört sîm zarf ve bir kilimi aynen bana teslîme mezbûr Osman’a tenbîh olunmak matlûbumdur deyü da‘vâ ettikde ol dahi cevâbında ber-vech-i muharrer ikrâr ve i‘tirâf etmeğin alâ-mûcibi i‘tirâfihî meblağ-ı mezkûr on guruş ile zikr olunan dört sîm zarf ve bir kilimi müdde‘î-i mezbûr İbrahim’e edâ ve teslîme mezbûr Osman’a tenbîh olunduğu bi’l-iltimâs huzûr-ı [âlîlerine i‘lâm olundu] Fî 2 Zilhicce sene [1]255