Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 335 Hüküm no: 494 Orijinal metin no: [67a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un Gülnaz Kadın’da olan alacağının taksitler halinde ödenmesini kabul ettiği 170 guruş te’cîl Ma‘rûz İstanbul’da Şehremini kurbünde Caferağa mahallesinde sâkine mu‘arrefetü’z-zât Fâtıma bt. Mehmed nâm hatun İstanbul Bâb Mahkemesi’nde meclis-i şer‘-i münîrde zâtı mu‘arrefe Zenci Gülnaz Kadın bt. Abdullah nâm hatun muvâcehesinde merkūme Gülnaz Kadın zimmetinde bundan akdem mâlımdan ve yedimden iştirâ ve kabz eylediği penbe …? ve penbe …? semeninden alacağım olan yüz beş guruşu medyûnem mezbûrenin hâlen ve def‘aten bir vechile edâya iktidârı olmayıp ber-vech-i âtî te’cîle <> tâlibe olduğunda ben dahi beher şehr yirmişer guruş verip meblağ-ı mezkûrun mecmû‘unu işbu târîhden sekiz buçuk ay tamâmına değin bana tamâmen edâ ve îfâ etmek üzere rızâmla medyûnem merkūmeyi te’cîl ve taksît eyledim deyü mukırra-ı mezbûre Fâtıma Hatun’un bi’l-cümle takrîr-i meşrûhunu mezbûre Gülnaz Kadın tasdîk ve deyn-i meblağ-ı mezkûr yüz yetmiş guruşu ikrâr ü i‘tirâf ve ber-vech-i muharrer müeccelen ve mukassaten dâyinesi müdde‘i[yye]-i mezbûreye edâya tenbîh olunduğu mübâşirleri Bâb-ı Seraskerî kavaslarından Kasımpaşalı Yusuf Kavas kulları yediyle huzûr-ı [âlîlerine i‘lâm olundu] Fî 15 S sene [12]56