Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 336 Hüküm no: 496 Orijinal metin no: [67a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Hasan’ın alacak iddiasıyla Kalos’a açtığı davayı ispat edemediği 250 guruş men‘ Ma‘rûz Bâ‘isü’l-i‘lâm Kasab Hasan b. Mehmed nâm kimesne İstanbul Bâb Mahkemesi’nde M. [meclis-i şer‘-i hatîrde] Kalos v. Agop nâm zimmî muvâcehesinde mersûm Kalos zimmî zimmetinde bundan akdem beher vakıyyesi yüzer paraya olarak mâlımdan ve yedimden iştirâ ve kabz eylediği yüz vakıyye lahm-ı ganem semeninden iki yüz elli guruş alacak hakkım olmağla meblağ-ı mezkûru mersûm Kalos zimmîden hâlâ taleb ederim deyü ba‘de’d-da‘vâ ve’l-inkâr müdde‘î-i merkūm Hasan ber-minvâl-i muharrer müdde‘âsına ikāmet-i beyyine edemeyip bi’t-taleb mesfûr Kalos zimmî bi’l-muvâcehe vech-i şer‘î üzere tahlîf olunmağın mûcebince müdde‘î-i merkūm Hasan da‘vâ-yı mezkûresiyle mesfûr Kalos zimmîye bilâ-beyyine mu‘ârazadan men‘ olunduğu tescîl ve bi’l-iltimâs huzûr-ı [âlîlerine i‘lâm olundu] Fî 17 S sene [12]56