Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 337 Hüküm no: 497 Orijinal metin no: [67b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsteban’ın borcunu Rençber İrem’e ödemesi Men‘ Ma‘rûz Rençber İrem v. Kirhor nâm zimmî İstanbul Bâb Mahkemesi’nde meclis-i şer‘de İsteban v. Papik nâm zimmî muvâcehesinde mersûm İsteban zimmî zimmetinde işbu târîhden bir sene mukaddem mâlımdan ve yedimden iktirâz ve kabz ve umûruna sarfla istihlâk eylediği iki yüz guruş alacak hakkım olmağla meblağ-ı mezkûru mesfûr İsteban zimmîden hâlâ taleb ederim deyü da‘vâ ettikde ol dahi cevâbında ikrâr lâkin deynim olan meblağ-ı mezkûru benim mersûm İrem zimmînin bi-şartı’r-rücû‘ emriyle umûr-ı ma‘lûmesine mâlımdan harc u sarf edip ol vechile zimmetinde bi’l-mürâca‘a hakkım olan iki yüz guruşa bi’t-terâzî takās ve mahsûb etmişidik deyü müdde‘î-i mersûmun inkârına mukārin eylediği def‘ine ikāmet-i beyyine edemeyip bi’t-taleb mesfûr İrem zimmî bi’l-muvâcehe vech-i şer‘î üzere tahlîf olunmağın mûcebince mersûm İsteban zimmî def‘-i mezkûruyla mesfûr İrem zimmîye bilâ-beyyine mu‘ârazadan ba‘de’l-men‘ mersûm İsteban zimmînin sâlifü’l-beyân ikrâr ü i‘tirâfı mûcebince lâzım gelen meblağ-ı mezkûr iki yüz guruşu müdde‘î-i mesfûr İrem zimmîye edâ ve teslîme mesfûr İsteban zimmîye tenbîh olunduğu mübâşirleri Bâb-ı Seraskerî kavaslarından Sultanselimli Hüseyin Kavas kulları yediyle huzûr-ı [âlîlerine i‘lâm olundu] Fî 18 S sene [1]256