Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 342 Hüküm no: 507 Orijinal metin no: [68b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın kayın validesi Nazife’nin yanında bulunan kızının kendisine verilmesi talebiyle açtığı davanın reddedildiği Sagīreyi teslîmden men‘ Ma‘rûz Sâhib-i arzuhâl Hasan Ağa b. Hasan nâm kimesne İstanbul Bâb Mahkemesi’nde meclis-i şer‘-i münîrde kayın vâlidesi derûn-ı arzuhâlde mezkûretü’l-ism mu‘arrefetü’z-zât Nazife bt. Hüseyin nâm hatun muvâcehesinde mezbûrenin sadriye kızı olup bundan akdem vefât eden Hadice bt. Mehmed nâm hatun ile hâl-i hayatında zevciyyet beynimizde kāim iken benim firâşımdan hâsıla <> müteveffât-ı mezbûreden mütevellide kızım işbu hâzıratü bi’l-meclis Fâtıma nâm sagīre ceddesi mezbûre Nazife Hatun’un bi-hakkı’l-hıdâne hacr ü terbiyesinde olup lâkin sagīre-i mezbûreye henüz istiğnâ hâsıla olmamış ise de mücerred ben sagīre-i mezbûrenin babası olmamla öyle olacak kızım sagīre-i mezbûreyi bana teslîme ceddesi mezbûre Nazife Hatun’a tenbîh olunmak matlûbumdur deyü takrîr-i meşrûhu üzere mezbûre Nazife Hatun’a bî-vech-i şer‘î mu‘ârazadan men‘ olunduğu huzûr-ı [âlîlerine i‘lâm olundu] Fî 15 S sene [12]56