Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 345 Hüküm no: 513 Orijinal metin no: [69b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe Sıddıka Hanım’ın geçinemediği kocası Abdi ile muhalaa yolu ile boşandığı Muhâla‘a Ma‘rûz İstanbul’da Edirnekapısı kurbünde Neslişahsultan mahallesinde sâkine mu‘arrefetü’z-zât Şerife Âişe Sıddıka bt. es-Seyyid Hasan nâm hatun İstanbul Bâb Mahkemesi’nde meclis-i şer‘de zevc-i muhâlı‘ı es-Seyyid Abdi b. es-Seyyid Mehmed Emin nâm kimesne muvâcehesinde mezbûr es-Seyyid Abdi yedi yüz beş guruş mehr-i mu‘accel ve beş yüz bir guruş mehr-i müeccel tesmiyeleriyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mehreyn-i mezkûreynim olan cem‘an bin iki yüz altı guruşun iki yüz guruşunu çend rûz zarfında bana edâya müte‘ahhid olmağla bâkīsi olan bin altı guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve meblağ-ı mezkûr iki yüz guruşdan mâ‘adâ ibtidâ-i zevciyyetden işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Edirnekapılı Emrullah Kavas kulları yediyle huzûr-ı [âlîlerine i‘lâm olundu] Fî 17 Saferi’l-hayr sene 1256