Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 346 Hüküm no: 514 Orijinal metin no: [69b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Âdile Hanım ile kocası Mehmed Ali’nin boşandıkları Muhâla‘a Ma‘rûz İstanbul’da Edirnekapısı kurbünde Haticesultan mahallesinde sâkine zâtı mu‘arrefe Âdile bt. Ali nâm hatun İstanbul Bâb Mahkemesi’nde meclis-i şer‘-i münîrde zevc-i mutallıkı Mehmed Ali b. Abdullah nâm kimesne muvâcehesinde mezbûr Mehmed Ali zevc-i dâhilim iken târîh-i i‘lâmdan on bir gün mukaddem beni tatlîk etmekle mezbûrun zimmetinde mütekarrir ve ma‘kūdün-aleyh mehr-i müeccel hakkım olan yüz elli bir guruşu hâlâ bana edâya ve iddetim inkızâsına değin beni infâka zevcim mezbûr Mehmed Ali’ye tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu ikrâr ve i‘tirâf etmeğin mûcebince mehr-i müeccel-i merkūm yüz elli bir guruş hâlen ve nafaka-i iddet-i bakiye-i ma‘lûmem ve me’ûnet-i süknâm mukābelelerinde bi’t-terâzî beynlerinde ta‘yîn olunan yüz yirmi dokuz guruşu dahi hîn-i istihkākda zevcesi müdde‘iyye-i mezbûre Âdile Hatun’a edâ ve teslîme merkūm Mehmed Ali’ye tenbîh olunduğu huzûr-ı [âlîlerine i‘lâm olundu] Fî 15 Saferi’l-hayr sene 1256