Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 346 Hüküm no: 515 Orijinal metin no: [69b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Haçador’un Berber Ohannes’e olan borcunu ödemesi 450 guruş hüküm Ma‘rûz Berber tâifesinden Ohannes v. Karabet nâm zimmî İstanbul Bâb Mahkemesi’nde meclis-i şer‘-i hatîrde tâife-i merkūmeden Haçador v. David nâm zimmî muvâcehesinde mersûmun zimmetinde târîh-i i‘lâmdan iki sene mukaddem mâlımdan ve yedimden iktirâz ve kabz ve umûruna sarfla istihlâk eylediği dört yüz kırk [elli] guruş alacak hakkım olmağla meblağ-ı mezkûru mersûm Haçador zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr dört yüz elli guruşun müdde‘î-i mersûm Ohannes zimmîye edâ ve teslîmiyle mesfûr Haçador zimmî ilzâm olunduğu mübâşirleri Bâb-ı Seraskerî kavaslarından Üsküdarlı Osman Kavas kulları yediyle huzûr-ı [âlîlerine i‘lâm olundu] Fî 13 Saferi’l-hayr sene 1256