Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 347 Hüküm no: 516 Orijinal metin no: [69b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un vefat eden kız kardeşi Habibe’nin terekesinden hissesinin verilmesi talebiyle Habibe’nin torunlarına açtığı davanın reddedildiği Men‘ Ma‘rûz Mu‘arrefetü’z-zât Fâtıma bt. el-Hâc Süleyman nâm hatun İstanbul Bâb Mahkemesi’nde meclis-i şer‘de li-ebeveyn kız karındaşı olup bundan akdem vefât eden Habibe bt. el-mezbûr el-Hâc Süleyman’ın oğlunun oğulları es-Seyyid İsmail Efendi ve Mehmed Efendi b. [ibney] es-Seyyid Mustafa nâm kimesneler muvâcehelerinde mezbûrân es-Seyyid İsmail Efendi ve Mehmed Efendi karındaşım müteveffât-ı mezbûrenin hîn-i vefâtında bi’l-cümle terekesini kız karındaşları gāibetü ani’l-meclis Fâtıma Hatun ile ma‘an zabt ve beynlerinde iktisâm etmeleriyle mücerred ben müteveffât-ı mezbûrenin hemşîresi olmamla öyle olacak tereke-i müteveffât-ı mezbûreden ben dahi hisse-i irsiyemi mutâlebe ederim deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı kendiye tefhîm ve da‘vâ-yı mezkûresiyle mezbûrân es-Seyyid İsmail Efendi ve Mehmed Efendi’ye bî-vech-i şer‘î mu‘ârazadan men‘ olunduğu tescîl ve bi’l-iltimâs huzûr-ı [âlîlerine i‘lâm olundu] Fî 16 S sene 1256