Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 347 Hüküm no: 517 Orijinal metin no: [70a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın damadı Ebubekir’in evine gidip onu tehdit etmemeyi taahhüt ettiği Ma‘rûz Derûn-ı arzuhâlde mezkûrü’l-ism Ebubekir b. Ömer nâm kimesne İstanbul Bâb Mahkemesi’nde meclis-i şer‘de hâlâ kayın pederi kezâlik derûn-ı arzuhâlde mezkûrü’l-ism Hasan b. Sadullah nâm kimesne muvâcehesinde kayın vâlidesi sâhibe-i arzuhâl mu‘arrefetü’z-zât Şerife Fâtıma bt. el-Hâc Ali nâm hatun hâzıra olduğu hâlde kayın pederim merkūm Hasan İstanbul’da Davudpaşa İskelesi kurbünde Bayezid-i Cedîd mahallesinde vâki‘ sâkin olduğum menzilime külle yevm gelip beni ta‘cîz ve menzilini ihrâk bi’n-nâr ederim deyü beni tazyîk ve havfa dûçâr etmekle ol vechile mezbûrdan emniyetim meslûb olduğuna binâen suâl olunup fîmâ-ba‘d menzilime gelmemek üzere mezbûr Hasan’a tenbîh olunmak matlûbumdur deyü istid‘â eylediğimde mezbûr Hasan dahi ba‘de’l-yevm menzilime gelmemek üzere ta‘ahhüd ve ben dahi ta‘ahhüdünü kabûl edip bu vechile kat‘-ı münâza‘a eyledik deyü ikrâr ve tasdîkleri huzûr-ı [âlîlerine i‘lâm olundu] Fî 13 S sene 1256