Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 348 Hüküm no: 518 Orijinal metin no: [70a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Asiye Hatun’un rehin verdiği eşyaların geri verilmesi talebiyle Şerife Ayşe Hanım’a açtığı davayı ispat edemediği Ma‘rûz Derûn-ı arzuhâlde mezkûretü’l-ism mu‘arrefetü’z-zât Asiye bt. Abdullah nâm hatun İstanbul Bâb Mahkemesi’nde meclis-i şer‘-i münîrde sâhibe-i arzuhâl kezâlik zâtı mu‘arrefe Şerife Âişe bt. es-Seyyid Ali nâm hatun muvâcehesinde <> ben bundan akdem mezbûre Şerife Âişe Hatun’un mâlından ve yedinden iktirâz ve kabz ve umûruma sarfla istihlâk eylediğim yüz guruş deynim mukābelesinde mâlımdan mecmû‘u altı yüz guruş kıymetli bir lahor şal anteri ve iki aded kılâbdanlı makrame mezbûre Şerife Âişe Hatun yedine rehin vaz‘ ve teslîm etmişidim el-hâletü hâzihî deynim olan meblağ-ı mezkûr yüz guruşu yedimden ahz birle rihân-ı mezkûreyi rehniyetden fek ve tahlîs ve bana teslîme merkūme Âişe Hatun’a tenbîh olunmak matlûbumdur deyü ba‘de’d-da‘vâ ve’l-istintâk mezbûre Şerife Âişe Hatun dahi cevâbında külliyen inkâr etmekle müdde‘iyye-i mezbûre ber-vech-i muharrer müdde‘âsına ikāmet-i beyyine edemeyip bi’t-taleb merkūme Şerife Âişe Hatun bi’l-muvâcehe ber-nehc-i şer‘î tahlîf olunmağın mûcebince müdde‘iyye-i merkūme Asiye Hatun da‘vâ-yı mezkûresiyle mezbûre Şerife Âişe Hatun’a bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 19 S sene 1256