Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 349 Hüküm no: 520 Orijinal metin no: [70a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un Mustafa’ya emanet verdiği cariyesinin hamile bırakıldığı iddiasıyla açtığı davayı ispat edemediği Men‘ Ma‘rûz Sâhibe-i arzuhâl mu‘arrefetü’z-zât Hadice bt. Abdullah nâm hatun İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism Mısır Çarşısı hamallarından Mustafa b. Hasan nâm kimesne muvâcehesinde mezbûr Mustafa kömür ihrâc etmek için târîh-i i‘lâmdan üç ay mukaddem İstanbul’da Çelebioğlu Alâeddin mahallesinde vâki‘ menzilime gelip yedimde mâlım olan işbu hâzıratü bi’l-meclis bir re’s zenciye câriyemi iğfâl ve vaty ve ihbâl etmekle câriye-i mezbûrenin noksân-ı kıymetini mezbûr Mustafa’dan tazmîn taleb ederim deyü ba‘de’d-da‘vâ ve’l-inkâr müdde‘iyye-i mezbûre ber-vech-i muharrer müdde‘âsına ikāmet-i beyyine edemeyip bi’t-taleb mezbûr Mustafa’ya bi’l-muvâcehe vech-i şer‘î üzere yemîn verilmeğin mûcebince müdde‘iyye-i mezbûre Hadice Hatun da‘vâ-yı mezkûresiyle mezbûr Mustafa’ya bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 3 S sene [1]256