Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 350 Hüküm no: 522 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Hanife Hanım’ın alacak iddiasıyla boşandığı kocası Hasan’a açtığı davayı ispat edemediği Men‘ Ma‘rûz Sâhibe-i arzuhâl mu‘arrefetü’z-zât Şerife Hanife bt. es-Seyyid el-Hâc Ali nâm hatun İstanbul Bâb Mahkemesi’nde meclis-i şer‘de zevc-i sâbıkı derûn-ı arzuhâlde mezkûrü’l-ism es-Seyyid Hasan b. Sadullah nâm kimesne muvâcehesinde mezbûr es-Seyyid Hasan zimmetinde işbu târîh-i i‘lâmdan beş ay mukaddem mâlımdan ve yedimden iktirâz ve kabz ve umûruna sarfla istihlâk eylediği beş yüz guruş alacak hakkım olmağla meblağ-ı mezkûru merkūm es-Seyyid Hasan’dan hâlâ taleb ederim deyü da‘vâ ettikde ol dahi cevâbında külliyen inkâr etmekle müdde‘iyye-i merkūme Şerife Hanife Hatun müdde‘âsına ikāmet-i beyyine edemeyip tahlîfe dahi tâlibe olma[ma]ğın mûcebince müdde‘iyye-i mezbûre Şerife Hanife Hatun da‘vâ-yı mezkûresiyle merkūm es-Seyyid Hasan’a bilâ-beyyine <> mu‘ârazadan men‘ olunduğu huzûr-ı âlîlerine i‘lâm olundu <> el-emrü li-men-lehü’l-emr. Fi’l-yevm 24 S sene 1256