Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 350 Hüküm no: 523 Orijinal metin no: [70b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın Ömer Ağa’ya olan borcunu ödemesi 80 guruş ilzâm Ma‘rûz Ömer Ağa b. Osman nâm kimesne İstanbul Bâb Mahkemesi’nde meclis-i şer‘-i münîrde Mehmed Ağa b. Ahmed nâm kimesne muvâcehesinde merkūm Mehmed Ağa zimmetinde sulh-ı sahîhadan seksen guruş alacak hakkım olmağın meblağ-ı mezkûru merkūm Mehmed Ağa’dan hâlâ taleb ederim deyü ba‘de’d-da‘vâ ve’l-istintâk ol dahi cevâbında ber-vech-i muharrer ikrâr ve i‘tirâf [etmeğin] alâ-mûcibi i‘tirâfihî meblağ-ı mezkûr seksen guruşun müdde‘î-i merkūm Ömer Ağa’ya edâsıyla merkūm Mehmed Ağa ilzâm olunduğu mübâşirleri Bâb-ı Seraskerî kavaslarından Kasım Kavas kulları yediyle huzûr-ı [âlîlerine i‘lâm olundu] Fî 28 S sene [12]56