Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 352 Hüküm no: 526 Orijinal metin no: [71a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali ile çocukları Tahir ve Hüseyin’in Kayıkçılar Kethüdası Hasan Ağa’dan aldıkları borçlarını ödemeleri 268 guruş hüküm Ma‘rûz İstanbul’da Balat İskelesi kayıkçılar kethüdâsı Hasan Ağa b. Hasan nâm kimesne İstanbul Bâb Mahkemesi’nde meclis-i şer‘-i münîrde Ali b. Mustafa ve sulbî oğulları Tahir ve Hüseyin nâm kimesneler muvâcehelerinde mezbûrûn zimmetlerinde bundan akdem mâlımdan ve yedimden bi’l-ma‘iyye iktirâz ve kabz ve umûrlarına sarfla istihlâk eyledikleri iki yüz altmış sekiz guruş alacak hakkım olmağla meblağ-ı mezkûru mezbûrûn Ali ve Tahir ve Hüseyin’den hâlâ taleb ederim deyü da‘vâ ettikde onlar dahi ber-vech-i muharrer ikrâr ve i‘tirâf etmeleriyle alâ-mûcibi i‘tirâf[ihî] meblağ-ı mezkûr iki yüz altmış sekiz guruşun müdde‘î-i merkūm Hüseyin Ağa’ya bi’l-ma‘iyye edâlarıyla mezbûrûn Ali ve Tahir ve Hüseyin ilzâm olundukları mübâşirleri Bâb-ı Seraskerî kavaslarından Kayseriyeli Ahmed Kavas kulları yediyle huzûr-ı [âlîlerine i‘lâm olundu] [Fî] selhi S sene 1256