Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 353 Hüküm no: 527 Orijinal metin no: [71a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hanım’ın küpe ve yüzüğünü kaybetmesine sebep oldukları iddiasıyla Mustafa Ağa ve Emine Hatun’a açtığı tazminat davasının reddedildiği Men‘ Ma‘rûz Sâhibe-i arzuhâl mu‘arrefetü’z-zât Fâtıma bt. Osman nâm hatun İstanbul Bâb Mahkemesi’nde meclis-i şer‘-i enverde derûn-ı arzuhâlde isimleri mezkûr Mustafa Ağa ve mu‘arrefetü’z-zât Emine Hatun ibney Ali muvâcehelerinde mezbûrân târîh-i i‘lâmdan altı ay mukaddem İstanbul’da Mercan Çarşısı nâm mahâlde benimle gavga ve bi-gayri hakkın beni darb eyledikleri esnâda mâlımdan sekiz yüz guruş kıymetli bir elmas yüzük ve bir çift elmas küpem zâyi‘ olup ol vechile zikr olunan yüzük ve küpenin zâyi‘ olmasına merkūmân sebeb olmalarıyla öyle olacak mârrü’l-beyân küpe ve yüzüğün kıymetlerini merkūmân Mustafa ve Emine Hatun[dan] tazmîn taleb ederim deyü takrîr-i meşrûh üzere tasaddî eylediği da‘vâsı meşrû‘a ve iltifâta şâyân olmadığı kendiye tefhîm ve da‘vâ-yı mezkûresiyle mezbûrân Mustafa ve Emine Hatun’dan her birerlerine bî-vech-i şer‘î mu‘ârazadan men‘ olunduğu huzûr-ı [âlîlerine i‘lâm olundu] Fî 29 S sene 1256