Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 354 Hüküm no: 530 Orijinal metin no: [71b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenciye Zeynep Hanım ile kocası Ali’nin boşandıkları Tatlîk Ma‘rûz İstanbul’da Edirnekapısı kurbünde Caferağa mahallesinde sâkine mu‘arrefetü’z-zât Zenciye Zeyneb nâm-ı diğer Halime Kadın bt. Abdullah İstanbul Bâb Mahkemesi’nde meclis-i şer‘-i münîrde zevc-i mutallıkı sarrâc esnâfından el-Hâc Ali b. Ömer nâm kimesne muvâcehesinde mezbûr el-Hâc Ali yüz bir guruş mehr-i müeccel tesmiyesiyle zevc-i dâhilim olup târîh-i i‘lâm günü beni tatlîk etmekle mezbûrun zimmetinde mehr-i müeccel-i mezkûrum olan yüz bir guruşu bana edâya ve iddetim inkızâsına değin beni infâka zevcim mezbûra tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre ol mikdâr guruş mehr-i müeccel tesmiyesiyle zevce-i menkûha-i medhûlün-bihâsı olduğunu ve ber-vech-i muharrer tatlîkini ikrâr ü i‘tirâf etmeğin mûcebince mehr-i müeccel-i mezkûr yüz bir guruşu hâlen ve nafaka-i iddet-i ma‘lûme ve me’ûnet-i süknâsı mukābelelerinde bi’t-terâzî beynlerinde ta‘yîn olunan doksan guruşu hîn-i istihkākında zevcesi müdde‘iyye-i mezbûre Zeyneb Kadın’a edâya mezbûr el-Hâc Ali’ye tenbîh olunduğu mübâşirleri Bâb-ı Seraskerî kavaslarından Silivrikapılı Mehmed Kavas kulları yediyle huzûr-ı [âlîlerine i‘lâm olundu] Fî 27 S sene 1256