Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 355 Hüküm no: 531 Orijinal metin no: [71b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefise Hanım’ın geçinemediği kocası Ali Ağa’dan muhalaa yoluyla boşandığı Muhâla‘a Ma‘rûz İstanbul’da Karaman-ı Sagīr kurbünde Hocahayreddin mahallesinde sâkine sâhibe-i arzuhâl zâtı mu‘arrefe Nefise Hanım bt. Mustafa [ve] vâlidesi kezâlik mu‘arrefetü’z-zât Hadice bt. Ahmed nâm hatun hâzıra olduğu hâlde İstanbul Bâb Mahkemesi’nde meclis-i şer‘-i münîrde zevc-i muhâlı‘ı derûn-ı arzuhâlde mezkûrü’l-ism el-Hâc Ali Ağa zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel hakkım olan bin beş yüz guruş ile nafaka-i iddet-i mu‘ayyene-i ma‘lûmem ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve ibtidâ-i zevciyyetden işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] [Fî] Selhi S sene 1256