Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 358 Hüküm no: 537 Orijinal metin no: [72b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çizmeci Mıgırdıç’ın Abdurrahman Ağa’ya kalan borcunu ödemesi 550 guruş hüküm Ma‘rûz el-Hâc Abdurrahman Ağa b. Hasan nâm kimesne İstanbul Bâb Mahkemesi’nde meclis-i şer‘de çizmeci tâifesinden Mıgırdıç v. Mosis nâm zimmî muvâcehesinde mersûm Mıgırdıç zimmî zimmetinde kâvsâle semeninden altı yüz guruş alacak hakkım olmağla meblağ-ı mezkûrun elli guruşunu mukaddemâ mersûmun yedinden kabz ve istîfâ etmemle bâkīsi olan beş yüz elli guruşu mesfûr Mıgırdıç zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr beş yüz elli guruşun müdde‘î-i merkūm el-Hâc Abdurrahman Ağa’ya edâ ve teslîmine mesfûr Mıgırdıç zimmî ilzâm olunduğu mübâşirleri Bâb-ı Seraskerî kavaslarından Kasımpaşalı İbrahim Kavas kulları yediyle huzûr-ı [âlîlerine i‘lâm olundu] Fî 22 S sene 12[56]