Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 359 Hüküm no: 538 Orijinal metin no: [72b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kafesçi Osman’ın Şerife Sıdıka’ya olan borcunu ödemesi 376 guruş hüküm Ma‘rûz Sâhibe-i arzuhâl mu‘arrefetü’z-zât Şerife Sıddıka bt. Hasan nâm hatun İstanbul Bâb Mahkemesi’nde meclis-i şer‘-i münîrde derûn-ı arzuhâlde mezkûrü’l-ism Kafesçi el-Hâc Osman b. Mustafa nâm kimesne muvâcehesinde merkūm el-Hâc Osman zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği üç yüz yetmiş altı guruş alacak hakkım olmağla taleb ederim deyü ba‘de’d-da‘vâ ve’l-ikrâr ol dahi cevâbında kaziyye minvâl-i muharrer üzere olduğunu bi-tamâmihâ ikrâr ü i‘tirâf etmeğin alâ-mûcibi ikrârihi mûcebince meblağ-ı mezkûr üç yüz yetmiş altı guruşun müdde‘iyye-i mezbûre Şerife Sıddıka Hatun’a edâ ve teslîmiyle mezbûr el-Hâc Osman ilzâm olunduğu huzûr-ı [âlîlerine i‘lâm olundu] Fî 3 Rebî‘ülevvel sene 1256