Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 359 Hüküm no: 539 Orijinal metin no: [72b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin Efendi’nin Mehmed Ali Ağa’ya açtığı alacak davasından vazgeçtiği 260 guruşdan ibrâ, kabûl Ma‘rûz Sâhib-i arzuhâl Mehmed Emin Efendi b. İbrahim nâm kimesne İstanbul Bâb Mahkemesi’nde meclis-i şer‘-i münîrde derûn-ı arzuhâlde mezkûrü’l-ism Mehmed Ali Ağa b. Abdullah nâm kimesne muvâcehesinde merkūm Mehmed Ali Ağa zimmetinde ücret-i ma‘lûmemden iki yüz altmış guruş alacak hakkım olmağla meblağ-ı mezkûru merkūm Ali Ağa[dan] hâlâ taleb ederim deyü tasaddî eylediğim da‘vâ-yı mezkûremden rızâmla meccânen fâriğ olmağla bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri tescîl ve huzûr-ı [âlîlerine i‘lâm olundu] Fî 26 S sene 1256