Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 360 Hüküm no: 542 Orijinal metin no: [73a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenciye Mahire Hanım’ın bazı eşyalarını zapt ettikleri iddiasıyla Kalaycı Mustafa ile hanımı Ayşe Hatun’a açtığı tazminat davasını ispat edemediği Mu‘ârazadan men‘ Ma‘rûz İstanbul’da Sultanahmed kurbünde Güngörmez mahallesinde sâkine sâhibe-i arzuhâl mu‘arrefetü’z-zât Zenciye Mahire Kadın bt. Abdullah İstanbul Bâb Mahkemesi’nde meclis-i şer‘de derûn-ı arzuhâlde isimleri mezkûr Kalaycı Mustafa b. Hüseyin ile mu‘arrefetü’z-zât Âişe bt. Osman nâm zevcân muvâcehelerinde bundan akdem mahalle-i mezbûrede vukū‘ bulan harîkde tahlîs için menzilimden ihrâc olunan eşyâmdan bir sepet sandık derûnunda mevcûd mecmû‘u bin yetmiş iki guruş kıymetli biri basma ve biri altıparmak ve biri sec? cem‘an üç anteri basma tülbent iki şalvar ikisi hilâlî ve biri bez üç gömlek ve üç yazma yemenî ve iki ihrâm ve bir havlu ve iki kuşak ve iki <> fesimi zevcân-ı mezbûrân fuzûlî ahzetmeleriyle eşyâ-i muharrere-i mezkûre mevcûd ise aynlarını müstehleke ise ba‘de’s-sübût kıymet-i şer‘iyyelerini zevcân-ı mezbûrândan tazmîn taleb ederim deyü da‘vâ ettikde onlar dahi cevâblarında külliyen inkâr etmeleriyle müdde‘iyye-i mezbûr[e] müdde‘âsına ikāmet-i beyyine edemeyip bi’t-taleb zevcân-ı mezbûrân bi’l-muvâcehe ber-nehc-i şer‘î tahlîf olunmalarıyla <> mûcebince müdde‘iyye-i mezbûre Mahire kadın da‘vâ-yı mezkûresiyle zevcân-ı mezbûrân Mustafa ve Âişe Hatun’a bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 27 S sene 1256