Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 361 Hüküm no: 543 Orijinal metin no: [73a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefise Hatun’un bakmakta olduğu torunu Ayşe’yi babası Mehmed Emin Efendi’ye teslim etmesi Sagīreyi teslîme tenbîh [Ma‘rûz] Sâhib-i arzuhâl Mehmed Emin Efendi b. Ömer nâm kimesne İstanbul Bâb Mahkemesi’nde meclis-i şer‘de mukaddemâ kayın vâlidesi derûn-ı arzuhâlde mezkûretü’l-ism mu‘arrefetü’z-zât Nefise bt. İsmail nâm hatun muvâcehesinde mezbûre Nefise Hatun’un sadriye kızı olup bundan akdem vefât eden Hafize Hatun bt. el-Hâc Hüseyin’in hâl-i hayatında zevciyyet beynimizde kāime iken benim firâşımdan hâsıllar (hâsıl) ve müteveffât-ı mezbûreden mütevellide işbu hâzıratü bi’l-meclis Âişe nâm sagīre ceddesi mezbûre Nefise Hatun’un bi-hakkı’l-hıdâne hacr u terbiyesinde iken kızım hâzıra-i mezbûre bundan akdem dokuz yaşını tecâvüz ve ol vechile hıdâneden sâkıta ve âharın i‘ânesinden istiğnâ hâsıla olmağla kızım sagīre-i mezbûreyi bana teslîme mezbûre Nefise Hatun’a tenbîh olunmak murâdımdır deyü da‘vâ ettikde ol dahi kaziyye minvâl-i muharrer üzere olduğunu ikrâr ü i‘tirâf etmeğin mûcebince sagīre-i mezbûreyi babası merkūm Mehmed Emin Efendi’ye teslîme mezbûre Nefise Hatun’a tenbîh olunduğu huzûr-ı [âlîlerine i‘lâm olundu] Fî 3 <> S sene [1]256