Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 369 Hüküm no: 558 Orijinal metin no: [74b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Bedros’un Kavas Osman Ağa’ya açtığı alacak davasında sulh olduğu 200 guruşa sulh Ma‘rûz Berber tâifesinden Bedros v. Kirkor nâm zimmî İstanbul Bâb Mahkemesi’nde meclis-i şer‘-i hatîrde Bâb-ı Seraskerî kavaslarından Osman Ağa b. Osman [nâm] kimesne muvâcehesinde merkūm Osman Ağa zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği beş yüz guruş alacak hakkım olmağla meblağ-ı mezkûru mezbûr Osman Ağa’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn mezbûr Osman Ağa ile bi’t-tav‘ ve’r-rızâ iki yüz guruş bedel-i medfû‘ ve makbûza ba‘de akdi’l-musâlaha ve’l-kabûl mâ‘adâya ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i de‘âvîden tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri tescîl ve huzûr-ı [âlîlerine i‘lâm olundu] Fî 15 S sene [12]56