Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 374 Hüküm no: 566 Orijinal metin no: [75b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman’ın vefat eden Habibe Hanım’ın varisi olduğu iddiasıyla diğer varis Ayşe Hatun’a açtığı davanın reddedildiği Adem-i iltifât Ma‘rûz Rumeli’de Silivri kazâsı ahâlîsinden Osman b. Mehmed nâm kimesne İstanbul Bâb Mahkemesi’nde meclis-i şer‘-i münîrde Rumeli’de Çorlu kasabası ahâlîsinden olup zikr olunan Silivri kazâsında müsâfereten sâkine iken bundan akdem vefât eden Habibe bt. Ebubekir nâm hatunun li-ebeveyn kız karındaşı ve hasran vârisesi idiği bi’l-ihbâr zâhir olan mu‘arrefetü’z-zât Âişe nâm hatun muvâcehesinde müteveffâ-yı mezbûre Habibe Hatun’un bi’l-cümle terekesini mezbûre Âişe Hatun bi’l-verâse ahz u kabz edip lâkin müteveffâ[t]-ı mezbûr[e] Habibe Hatun’un hayatında benim için Osman benim vârisimdir deyü ikrâr etmekle ben müteveffâ-yı mezbûreye hangi cihetten vâris olduğumu bilmeyip mücerred müteveffât-ı mezbûre hayatında benim için vârisimdir dediğine binâen müteveffât-ı merkūmenin terekesinin nısfını bana vermek üzere mezbûre Âişe Hatun’a cebr olunsun deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘î-i mezbûr Osman’a tefhîm ve da‘vâ-yı mezkûresiyle merkūme Âişe Hatun’a bî-vech-i şer‘î mu‘ârazadan men‘ olunduğu bi’l-iltimâs huzûr-ı [âlîlerine i‘lâm olundu] Fî 9 Rebî‘ülevvel sene 1256