Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 374 Hüküm no: 567 Orijinal metin no: [75b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koltukçu Ali’nin Dellal Yasin’de olan alacağının taksitler halinde ödenmesini kabul ettiği 500 guruş te’cîl Ma‘rûz Derûn-ı arzuhâlde mezkûrü’l-ism Koltukçu Ali b. Osman nâm kimesne İstanbul Bâb Mahkemesi’nde meclis-i şer‘-i münîrde sâhib-i arzuhâl Dellâl el-Hâc Yasin b. el-Hâc Talib nâm kimesne muvâcehesinde mezbûrun zimmetinde semen-i mebî‘den beş yüz guruş alacak hakkım olup lâkin meblağ-ı mezkûru medyûnum merkūm el-Hâc Yasin’in hâlen ve def‘aten bir vechile bana edâya iktidârı olmayıp ber-vech-i âtî te’cîle tâlib olduğunda ben dahi beher şehr otuz guruş verip mecmû‘u işbu târîhden on altı ay yirmi gün tamâmına değin tamâmına değin tamâmen bana edâ ve îfâ etmek üzere rızâmla medyûnum merkūmu te’cîl ve taksît eyledim dedikde ol dahi deyn-i meblağ-ı mezkûru ikrâr <> ve ecel-i mezkûru kabûl ve meblağ-ı mezkûru ber-minvâl-i muharrer müeccelen ve mukassaten dâyin-i merkūm Ali’ye edâya ta‘ahhüd eylediği huzûr-ı [âlîlerine i‘lâm olundu] Fî 8 Rebî‘ülevvel sene 1256