Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 375 Hüküm no: 568 Orijinal metin no: [75b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe Hatun’un kocası Veliyyüddin ile boşandıkları Tatlîk Ma‘rûz İstanbul’da Kapan-ı Dakīk kurbünde Arabacılar mahallesinde sâkine mu‘arrefetü’z-zât Şerife Âişe Sıddıka bt. es-Seyyid Mehmed nâm hatun İstanbul Bâb Mahkemesi’nde meclis-i şer‘de zevc-i mutallıkı Veliyyüddin b. Mehmed nâm kimesne muvâcehesinde mezbûr Veliyyüddin zevc-i dâhilim olup lâkin târîh-i kitâb günü beni tatlîk etmekle mezbûrun zimmetinde mütekarrir ve ma‘kūdün-aleyh mehr-i müeccel-i <> mezkûrum olan elli bir guruş ve nafaka-i iddet-i ma‘lûme ve me’ûnet-i süknâm mukābelelerinde bi’t-terâzî beynimizde ta‘yîn olunan altmış dört guruş ki cem‘an yüz on beş guruşun elli bir guruşunu işbu meclis-i şer‘de bana def‘ u teslîm ben dahi yedinden ahz u kabz edip bâkīsi olan altmış dört guruşu çend rûz zarfında bana edâya müte‘ahhid olmağla hukūk-ı zevciyyete ve meblağ-ı mezkûr altmış dört guruşdan mâ‘adâ ibtidâ-i zevciyyetden işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Küçükayasofyalı Mehmed Kavas kulları yediyle huzûr-ı [âlîlerine i‘lâm olundu] Fî 26 S sene 1256