Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 379 Hüküm no: 574 Orijinal metin no: [76b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Simkeş Kirhor’un kefalet bedeli olarak ödediği paranın yarısını Kuyumcu Despo’nun ödemesi talebiyle açtığı davanın reddedildiği Adem-i iltifât Ma‘rûz Arzuhâl eden Simkeş Kirhor v. Marat nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde mezkûrü’l-ism Kuyumcu Despo v. Nikegos nâm zimmî muvâcehesinde târîh-i i‘lâmdan iki sene mukaddem gāib ani’l-meclis Matyos v. Ohan nâm zimmînin Agop v. Mıgırdıç zimmîye zimmetinde cihet-i karzdan deyni olan bin sekiz yüz guruşa ben mersûm Despo zimmîden her birimiz başka başka kefîl ve dâmin olduğumuzdan sonra gāib-i mersûm Agop zimmî deyn-i meblağ-ı mezkûr bin sekiz yüz elli guruşu gāib-i mesfûr Agop zimmî kefâletime binâen ancak benden mutâlebe ve ahzedip lâkin mücerred meblağ-ı mezkûra mersûm Despo zimmînin dahi kefâleti olmağla öyle olacak kefâletime mebnî edâ eylediğim meblağ-ı mezkûr bin sekiz yüz guruşun nısfı olan dokuz yüz elli guruşu bana mâlından dâmin olsun deyü takrîr-i meşrûhu üzere tasaddî eylediği da‘vâsı takrîr-i meşrûhu üzere meşrû‘a ve iltifâta şâyân olmadığı müdde‘î-i mersûm Kirhor zimmîye tefhîm [ve] da‘vâ-yı mezkûresiyle mersûm Despo zimmîye bî-vech-i şer‘î mu‘ârazadan men‘ olunduğu huzûr-ı [âlîlerine i‘lâm olundu] Fî 22 S sene 1256