Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 382 Hüküm no: 579 Orijinal metin no: [77b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Hüsnü Ağa’nın zevcesi Emetullah Hanım’a mehr-i muaccel bedelini ödemesi 200 guruş mu‘accel hükmü Ma‘rûz İstanbul’da Sultanmehmed Câmi‘-i şerîfi kurbünde Kumrulumescid nâm-ı diğer Mimârsinan mahallesinde sâkine mu‘arrefetü’z-zât Emetullah bt. Ahmed nâm hatun İstanbul Bâb Mahkemesi’nde meclis-i şer‘de hâlâ zevci Mehmed Hüsnü Ağa b. Rüstem nâm kimesne muvâcehesinde ben bundan akdem nefsimi mezbûr Mehmed Hüsnü Ağa’ya iki yüz guruş mehr-i mu‘accel ve iki yüz bir guruş mehr-i müeccel tesmiyeleriyle tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup <> mehr-i mu‘accel-i mezkûrumu bana edâya zevcim merkūm Mehmed Hüsnü Ağa’ya tenbîh olunmak matlûbumdur deyü ba‘de’d-da‘vâ ve’l-istintâk ol dahi cevâbında kaziyye minvâl-i muharrer üzere olduğunu tâyi‘an ve kat‘iyyen ikrâr ü i‘tirâf etmeğin mûcebince mehr-i mu‘accel-i merkūm iki yüz guruşu zevcesi müdde‘iyye-i mezbûre Emetullah Hatun’a <> edâ ve teslîme merkūm Mehmed Hüsnü Ağa’ya tenbîh olunduğu huzûr-ı [âlîlerine i‘lâm olundu] Fî 14 Rebî‘ülevvel sene 1254 [1256] <<511,5 guruş hüküm Ma‘rûz Kasab esnâfından derûn-ı arzuhâlde mezkûrü’l-ism Süleyman b. Ali ve şerîki el-Hâc Mehmed Emin b. İbrahim nâm kimesneler İstanbul Bâb Mahkemesi’nde meclis-i şer‘-i enverde sâhib-i arzuhâl Yahya b. Mehmed nâm kimesne muvâcehesinde merkūm Yahya zimmetinde bundan akdem mâl-ı müşterekemizden iştirâ ve kabz eylediği vezn ve fiâtı beynimizde ma‘lûm lahm-ı ganemin hesâbını târîh-i i‘lâmdan on gün mukaddem rü’yet eylediğimizde bizim mezbûr Yahya zimmetinde beş yüz on bir buçuk guruş alacak hakkımız zuhûr>>