Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 383 Hüküm no: 580 Orijinal metin no: [77b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafize Hatun’un nafakası için yaptığı masrafın ödenmesi talebiyle kocası Ahmed Reşid’e açtığı davanın reddedildiği Bî-vech-i şer‘î men‘ Ma‘rûz Sâhibe-i arzuhâl mu‘arrefetü’z-zât Hafize bt. Abdullah nâm hatun İstanbul Bâb Mahkemesi’nde meclis-i şer‘-i münîrde hâlâ zevci sefine reislerinden derûn-ı arzuhâlde mezkûrü’l-ism es-Seyyid Ahmed Reis b. es-Seyyid Mehmed nâm kimesne muvâcehesinde zevcim mezbûr es-Seyyid Ahmed Reis’in bundan akdem beni bilâ-nafaka ve bilâ-münfik-i şer‘î terk birle vilâyeti olan Karamürsel kasabasında iskân edip ben dahi zevcim mezbûrun emrinsiz dört sene müddetde kendi nafakam ve sâir levâzım-ı zarûriyem içün mâlımdan bin sekiz yüz seksen guruş harc ü sarf etmişidim el-hâletü hâzihî ben mücerred mezbûrun zevcesi olmamla öyle olacak meblağ-ı masrûf-ı mezkûr bin sekiz yüz seksen guruşu zevcim mezbûrdan taleb ederim deyü takrîr-i meşrûhu <> üzere tasaddî eylediği da‘vâsı meşrû‘ ve iltifâta şâyân olmadığı müdde‘iyye-i mezbûre Hafize Hatun’a tefhîm ve da‘vâ-yı mezkûresiyle mezbûr es-Seyyid Ahmed Reis’e bî-vech-i şer‘î mu‘ârazadan men‘ olunduğu huzûr-ı <> [âlîlerine i‘lâm olundu] Fî 13 S sene 1256