Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 383 Hüküm no: 581 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun’un alacak iddiasıyla eski damadı Ali’ye açtığı davayı ispat edemediği Men‘ Ma‘rûz İstanbul’da Mollagürani mahallesinde sâkine sâhibe-i arzuhâl mu‘arrefetü’z-zât Rukiye bt. Mehmed nâm hatun İstanbul Bâb Mahkemesi’nde meclis-i şer‘de mukaddemâ dâmadı derûn-ı arzuhâlde mezkûrü’l-ism es-Seyyid Ali b. Mehmed nâm kimesne muvâcehesinde mezbûr es-Seyyid Ali zimmetinde bin iki yüz elli dört senesi şehr-i <> Ramazani’l-mübârekinin yirminci günü mahalle-i mezbûrede vâki‘ menzilimde mâlımdan ve yedimden iktirâz ve kabz ve umûruna sarfla istihlâk eylediği iki bin guruş alacak hakkım olmağla meblağ-ı mezkûru mezbûr es-Seyyid Ali’den hâlâ taleb ederim deyü ba‘de’d-da‘vâ ve’l-inkâr müdde‘iyye-i mezbûre ber-vech-i muharrer müdde‘âsına ikāmet-i beyyine edemeyip tahlîfe dahi tâlibe olmamağın mûcebince müdde‘iyye-i mezbûre Rukiye Hatun da‘vâ-yı mezkûresiyle mezbûr es-Seyyid Ali’ye bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 8 Rebî‘ülevvel sene 1256