Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 386 Hüküm no: 585 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peynirci Veliyyüddin’in Babyacı Yani’ye olan borcunu ödemesi <<500 guruş>> 1093 guruş hüküm Ma‘rûz Bamyacı Yani v. Pavli nâm zimmî İstanbul Bâb Mahkemesi’nde meclis-i şer‘-i hatîrde Peynirci Veliyyüddin b. Osman nâm kimesne muvâcehesinde mezbûr Veliyyüddin zimmetinde bundan akdem mâlımdan ve yedimden iktirâz ve kabz eylediği ma‘lûmü’l-vezn ve’l-fiyat bamya semeninden bin doksan üç guruş alacak hakkım olmağla meblağ-ı mezkûru merkūm Veliyyüddin’den hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr bin doksan üç guruşun müdde‘î-i mersûm Yani zimmîye edâsıyla merkūm Veliyyüddin ilzâm olunduğu huzûr-ı [âlîlerine i‘lâm olundu] Fî 29 Zilka‘de sene [12]56