Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 387 Hüküm no: 586 Orijinal metin no: [78b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın emanet verdiği incilerinin eksik olduğu iddiasıyla Fâtıma Hanım’a açtığı davanın reddedildiği Mu‘ârazadan men‘ Mehmed Necib Efendi’nin mührüdür ve’s-selâm Ma‘rûz İstanbul’da Süleymaniye Câmi‘-i şerîfi kurbünde Kâtibşemseddin mahallesinde sâkine mu‘arrefetü’z-zât Hadice bt. Halil nâm hatun İstanbul Bâb Mahkemesi’nde meclis-i şer‘de kezâlik mu‘arrefetü’z-zât Emine bt. İbrahim nâm hatun hâzır olduğu hâlde kezâlik zâtı mu‘arrefe Fâtıma bt. Ahmed nâm hatun muvâcehesinde ben târîh-i i‘lâmdan dokuz gün mukaddem yedimde mâlım olan dokuz buçuk miskāl incimi hâzıra-i merkūme Emine Hatun’a li-ecli’l-isti‘mâl i‘âre ve teslîm eylediğimde ol dahi isti‘âre ve kabz etmişidi el-hâletü hâzihî hâzıra-i mezbûre zikr olunan inciyi bana geri teslîm eylediği hînde kırk guruş kıymetli bir dizi inci noksân olmağla merkūme Fâtıma Hatun’un yedinde olup işbu mu‘âyene olunan incinin benim <> nâkıs olan incime müşâbeheti olmağla öyle olacak merkūme Fâtıma Hatun mârrü’l-beyân yedinde olan inciyi bana teslîme merkūme Fâtıma Hatun’a cebr olunsun deyü hâzıra-i merkūmenin tasdîkiyle takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘iyye-i mezbûre Hadice Hatun’a tefhîm ve da‘vâ-yı mezkûresiyle merkūme Fâtıma Hatun’a bî-vech-i şer‘î mu‘ârazadan men‘ olunduğu tescîl ve bi’l-iltimâs huzûr-ı [âlîlerine i‘lâm olundu] Fî 26 Rebî‘ülevvel sene 1256