.:: İstanbul Kadı Sicilleri ::.


Anadolu Sadareti Mahkemesi 1 Numaralı Sicil (H. 1247-1250/ M. 1831-1834)
cilt: 93, sayfa: 135
Hüküm no: 127
Orijinal metin no: [25b-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Sivas Zilkar mahallesinden Hatice bt. Ali’nin vakfettiği evin istibdâlinin câiz olmadığı

Sâdır olan fermân-ı âlîlerine imtisâlen işbu arz mütâla‘a olundukda medîne-i Sivas’da vâki‘ Zilkar mahallesi sâkinelerinden ve sahibü’l-hayrâtdan Velioğlu kızı Hadîce bt. Ali nâm hatunun vakıf musakkafâtından medîne-i mezbûrede vâki‘ ma‘lûmü’l-hudûd ve müştemilât bir bâb vakıf menzil istibdâline tâlib olan derûn-ı arzda mezkûrü’l-ism es-Seyyid Ömer b. Mehmed’in medîne-i mezbûrda Sûk-ı Sultânî’de Sipâh Pazarı sükkânından ve terziler arasında zemîni merhûm Lala Sinan nâibi es-Seyyid Mehmed Kâmil Efendi dâ‘îlerinin işbu mühr-i mutâbıkı arzıyla istibdâline mezbûre medînede istid‘âsında olunmuş ise de istibdâl-i mezkûrun şurûtu mevcûd olduğu arz-ı mezkûreden müstebân olmağın bu sûretde zemîni vakf-ı âharın ve binâsı mülk ile zemîni ve binâsı vakıf istibdâle kütüb-i mu‘teberede hilâf-ı şer‘ olduğundan verilen hüccet-i şer‘iye gayr-ı sahîh ve …? eden şurût ve kuyûd olması ale’l-fâsid fâsid ve …e? şâyân ve i‘tibâr olmadığı huzûr.