|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 138 Hüküm no: 132 Orijinal metin no: [26b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Sivas’da Süleyman Bey Vakfı mütevelliliği hissedarı Seyyid Alâaddin Bey b. Seyyid Ahmed Paşa’nın vefatıyla hisselerinin oğullarına verilmesi
Sâdır olan fermân-ı âlîlerine imtisâlen medîne-i Sivas nâibi Müftizâde es-Seyyid Ahmed Efendi’nin mühr-i mutâbık işbu arz ile derkenârlara nazar olundukda medîne-i mezbûrede vâki‘ Süleyman Bey nâm sahibü’l-hayrın vakfından vazîfe-i mu‘ayyene ile ber-vech-i meşrûta tevliyetin yirmi sehmden üç buçuk sehm hissesi üç kıt‘a berat-ı âlîşân ile es-Seyyid Alâaddin Bey b. merhûm es-Seyyid Ahmed Paşa’nın uhdesinde olduğu ve merhûm ibn Alâaddin Beyburada? fevt olup mahlûlünden oğulları es-Seyyid Mehmed Celaleddin Bey ve es-Seyyid Mehmed Münib Bey ve es-Seyyid İbrahim Bey ve Eşen İsmail Bey ve es-Seyyid Mehmed Celaleddin Bey ve es-Seyyid Ali Bey kulları üzerine tavtiye olunmak niyâzında olduğu arz-ı mezkûr meâlinden derkenârlarda müstebân ve mezbûr es-Seyyid Mehmed Celaleddin Bey ve es-Seyyid Mehmed Münib ve es-Seyyid İbrahim Bey ve es-Seyyid İsmail Bey ve es-Seyyid Mehmed Bahaaddin Bey ve es-Seyyid Ali Bey tavtiye olunmak niyâzında olduğu arz-ı mezkûre meâlinden derkenârlardan müstebân ve mezbûrdan es-Seyyid Mehmed Celaleddin Bey ve es-Seyyid Mehmed Bey [ve] es-Seyyid İbrahim Bey ve es-Seyyid İsmail Bey ve es-Seyyid Mehmed Bahaaddin Bey ve es-Seyyid Ali Bey mezbûr es-Seyyid Alâaddin Bey[‘in] sulbî oğulları umûr-ı vakfı rü’yetine a‘lem olup vakf-ı mezkûr tevliye[ti]nin üç buçuk [sehim] hissesi vazîfe-i mu‘ayyeneleriyle ber-mûceb-i te‘âmül-i kadîm mezbûrûn kullarına tevcîhi iktizâ eylediği kazâ-i mezbûr ahâlîsinden Der-aliyye’de müsâfiren sâkinler ( ) nâm kimesneler alâ-tarîkı’ş-şehâde haber vermeleriyle bu sûretde …? Süleyman Bey Vakfı tevliyetinin yirmi hissede üç buçuk hissesi vazîfe-i mu‘ayyeneleriyle müteveffâ-yı mezbûr es-Seyyid Alâaddin Bey mahlûlünden ber-mûceb-i şart-ı vâkıf ve amel-i kadîm sulbî oğulları merkūmûn es-Seyyid Mehmed Celaleddin Bey ve es-Seyyid Mehmed Bey ve es-Seyyid İbrahim Bey ve es-Seyyid İsmail Bey ve es-Seyyid Mehmed Bahaaddin Bey ve es-Seyyid Ali Bey kullarına tevcîh ve yedine berat-ı şerîf-i âlîşân inâyet ve ihsân buyurulmak iktizâ eylediği huzûr.
|