.:: İstanbul Kadı Sicilleri ::.


Anadolu Sadareti Mahkemesi 1 Numaralı Sicil (H. 1247-1250/ M. 1831-1834)
cilt: 93, sayfa: 143
Hüküm no: 138
Orijinal metin no: [27b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Behisni kazasındaki Sevdim Bey Mescidi Vakfı tevliyetine Seyyid Hacı Mehmed ile diğer es-Seyyid Mehmed’in tayinleri

Sâdır olan fermân-ı âlîlerine imtisâlen medîne-i Behisni nâibi es-Seyyid Mehmed Şerîf Efendi’nin mühr-i mutâbık arzıyla ve derkenâra nazar olundukda Sûk-ı Sultânî’de vâki‘ Sevdim Bey binâ eylediği mescid-i şerîfinin evkāfının evlâdiyet ve meşrûtiyet üzere yevmî üç [akçe] vazîfe ile tevliyeti bâ-berât-ı âlîşân mutasarrıfı es-Seyyid el-Hâc Mehmed ile hasmı diğer es-Seyyid Mehmed huzûr-ı şer‘-i şerîfde lede’l-mürâfa‘a tarafeyn kazâları ma‘den emîni atûfetlü Osman Paşa hazretleri tevliyet-i mezkûreye merkūmân miyânelerinde nısfiyet üzere olmasını vücûh-ı belde ma‘rifeti ile münâsib görüp nısf merkūm es-Seyyid Hacı Mehmed ve nısf-ı âharı diğer Mehmed b. İbrahim’e tevcîh ve yedine berat-ı şerîf-i âlîşân i‘tâ olunması i‘lâm-ı mezkûr meâlinden münfehim olup fi’l-hakīka tevliyet-i mezkûre merkūm es-Seyyid Mehmed’in üzerinde olduğu derkenârdan müstebân olup bu sûretde tevliyet-i mezkûrenin nısfı merkūm es-Seyyid Mehmed’in ref‘inden mezbûr es-Seyyid Mehmed b. İbrahim’e tevcîh olunduğu huzûr.