|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 145 Hüküm no: 142 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Gedagara kazası Narlı-yı Ulvi köyü camiinin imam ve hatibi olan Ali b. Mustafa’nın imamet görevini Ahmed b. Osman’a devretmesi
Gedagara kazâsına tâbi‘ Narlı-yı Ulvi? nâm karyede vâki‘ câmi‘-i şerîfde ber-vech-i hasbî imâmet cihetlerine Ali b. Mustafa’nın bâ-berât-ı âlîşân üzerinde olduğu askerî rûznâmçesinden müstebân olmağla ve istid‘â ve derkenâra nazar olundukda muktezâ-yı i‘lâm olunmak bâbında sâdır olan fermân-ı âlîşâna imtisâlen ciheteyn-i mezkûreteyne mutasarrıf olduğu karye-i mezbûre ahâlîsinden [28b] bu esnâda Der-aliyye’ye gelen bî-garaz erbâb-ı vukūfdan Mustafa b. ( ) ve Hüseyin Efendi b. İbrahim nâm kimesnelerin bi’l-muvâcehe bi-tarîkı’ş-şehâde ihbârlarıyla zâhir olan mezbûr Ali meclis-i şer‘-i münîrde derûn-ı arzuhâlde ism-i mezkûr Ahmed b. Osman nâm kimesne mahzarında takrîr-i kelâm edip ben vech-i muharrer mutasarrıf olduğum ciheteyn-i mezkûreteynden yalnız imâmet cihetini rızâ ve tayyib-i hâtır ile merkūm Ahmed Halîfe’ye kasr, yedimde olan atîk beratımı huzûr-ı şer‘-i şerîfde merkūma teslîm etmemle kasr-ı yedimden tevcîh buyurulması niyâzımdır deyü istid‘â ve mezbûr ehliyet ve istihkākı lede’l-imtihân zâhir ve …? olmağla bu sûretde hitâbet-i mezkûre merkūm Ali’nin üzerinde ibkā ve imâmet-i mezkûre kasr-ı yedinden erbâb-ı istihkākdan merkūm Ahmed b. Osman Halîfe’[ye] tevcîh ve atîk beratı kaleminden battala hıfz olunarak yedine müceddeden berat-ı şerîf-i âlîşân i‘tâsı bâbında emr u fermân hazret-i men-lehu’l-emrindir.
Fî 19 L sene [12]49
|