.:: İstanbul Kadı Sicilleri ::.


Anadolu Sadareti Mahkemesi 1 Numaralı Sicil (H. 1247-1250/ M. 1831-1834)
cilt: 93, sayfa: 146
Hüküm no: 143
Orijinal metin no: [28b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Sonisa Kazası Urgubaş ve Çandır köylerindeki Ahî Mustafa Zaviyesi ve Kobaş Baba Zaviyesi mütevellisi Seyyid Hasan b. Yahya’nın kaybettiği beratının yenilenmesi

Sâdır olan fermân-ı âlîlerine imtisâlen işbu arz ve derkenâra nazar olundukda Sonisa kazâsında Urgubaş karyesinde ve Çandır nâm karyesinde vâki‘ Ahî Mustafa Zâviyesi’nin ve Kobaş Baba Zâviyesi’nin humus mahsûlüyle ber-mûceb-i şart-ı vâkıf bâ-berat-ı âlîşân mütevellîsi olan es-Seyyid Hasan b. Yahya Halîfe’nin yedinde olan berat-ı şerîfi bi-kazâillâhi te‘âlâ zâyi‘ olmağla zâyi‘inden merkūm es-Seyyid Hasan’a müceddeden bir kıt‘a berat-ı şerîf-i âlîşân sadaka buyurulmak bâbında medîne-i mezbûre nâibi es-Seyyid Mehmed Salih Efendi dâ‘îlerinin mühr-i mutâbık arzıyla inhâ etmeğin fi’l-hakīka tevliyet-i mezkûr merkūm es-Seyyid Hasan b. Yahya Bey bâ-berat-ı âlî üzerinde olduğu derkenârdan ba‘de’t-tebeyyün mazmûn-ı i‘lâmı kazâ-i mezbûr ahâlîsinden Der-aliyye’de müsâfiren sâkinler Ahmed b. Osman ve Ömer b. Mehmed nâm kimesnelerin alâ-tarîkı’ş-şehâde haber vermeleriyle zâhir ve bedîdâr olmağın bu sûretde zâyi‘inden merkūm es-Seyyid Hasan b. Yahya dâ‘îlerine bir kıt‘a müceddeden berat-ı şerîf-i âlîşân inâyet ve ihsân buyurulmak iktizâ eylediği huzûr.

Fî 21 B sene [12]49