.:: İstanbul Kadı Sicilleri ::.


Anadolu Sadareti Mahkemesi 1 Numaralı Sicil (H. 1247-1250/ M. 1831-1834)
cilt: 93, sayfa: 146
Hüküm no: 144
Orijinal metin no: [28b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Ankara Kazası Süflâ kasabası İlgazi köyü camii hatibi olan Hüseyin’in vefatıyla görevinin çocuklarına verilmesi

Ankara kazâsına muzâfe kasaba-i Süflâ’ya? tâbi‘ İlgazi nâm karyede vâki‘ câmi‘-i şerîfde ber-vech-i hasbî hitâbet ciheti Hüseyin’in üzerinde olduğu askerî rûznâmçesinden derkenâr olmağla meâl-i arzuhâl ve derkenâra nazar [olundukda] iktizâ-yı i‘lâm olunmak bâbında sâdır olan fermân-ı âlîşâna imtisâlen kazâ-i mezbûr ahâlîsinden Der-aliyye’de bulunan talebe-i ulûmdan es-Seyyid Ahmed Efendi b. Hüseyin ve Şerif Ali Efendi b. Hüseyin nâm kimesneler meclis-i şer‘a celb, keyfiyeti etrâfıyla suâl olundukda derûn-ı arzuhâlde tahrîr inhâ kılındığı üzere merkūm es-Seyyid Hüseyin’in sahîh oğulları olup her vechile ehil ve muhtâr-ı cemâ‘at olduklarını merkūmân herbiri alâ-tarîkı’ş-şehâde haber vermeleriyle zâhir ve nümâyân olmağın bu sûretde hitâbet-i mezkûre babaları mahlûlünden ve fevtinden es-Seyyid Ali ve es-Seyyid Ahmed ve es-Seyyid Mehmed ibney es-Seyyid Hasan nâm karındaşlara ber-vech-i iştirâk tevcîh ve yedlerine bir kıt‘a berat-ı şerîf-i âlîşân inâyet ve ihsân buyurulmak iktizâ eylediği huzûr.

Fî 29 L sene [12]49