Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 150 Hüküm no: 151 Orijinal metin no: [29b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arapgir kazası Oda-i zühur adlı yerdeki mescidin cami haline getirilmesi ve hitabetinin de İskender b. Abdullah’a tevcihi Sâdır olan fermân-ı âlîlerine imtisâlen işbu arz ve derkenâra nazar olundukda vilâyet-i Anadolu’da Arabkir kazâsında Oda-i zühur nâm mahallede müceddeden binâ ve ihyâ eylediği mescid-i şerîfin kurb-ı civârında edâ-i salât-ı Cuma ve îdeyn olunur câmi‘-i şerîf olmadığından kazâ-i mezbûr eyyâm-ı şitâda usret çekmeleriyle mescid-i mezbûrun câmi‘ olmağa salâhiyeti olduğundan müceddeden minber vaz‘ ve ikāmet-i salât-ı Cuma ve îdeyn-i şerîfeyn edâ etmeğe izn-i hümâyûn-ı hazret-i cihândârî erzân ve ber-vech-i hasbî hitâbeti dahi erbâb-ı istihkākdan İskender Halîfe’ye tevcîh ve yedine bir kıt‘a berat-ı şerîf sadaka ve ihsân buyurulmasını sahibe-i arzuhâl Fâtıma Hatun nâm sahibetü’l-hayr işbu arzuhâlde istid‘â eder, husûsu tahkīk için kazâ-i mezbûr ahâlîlerinden huzûr-ı şer‘-i şerîfe celb olunan Kıroğlu Osman b. Süleyman, Kavarioğlu Ebûbekir b. Mehmed ve Muhzır Mehmed b. Ali nâm kimesne[lerden] suâl olundukda askerî rûznâmçesinden muhrec derkenâreden muharrer Harabe nâm mahallede vâki‘ câmi‘ ile minber vaz‘ olunan mescid mahâllin yanında bir sâ‘at mesâfe olup eyyâm-ı şitâda edâ-i salât-ı Cuma ve îdeyn fazîlet[in]den mahrûm olduklarını merkūmûndan herbiri alâ-tarîkı’ş-şehâde haber vermeleriyle zâhir ve bedîdâr olmağın bu sûretde derûn-ı arzuhâlde mezkûrü’l-ism erbâb-ı istihkākdan İskender b. Abdullah’a tevcîh ve yedine müceddeden berat-ı şerîf-i âlîşân sadaka ve ihsân buyurulmak iktizâ eylediği huzûr.