Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 87 Hüküm no: 87 Orijinal metin no: [18b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın yasakçı tayin olunduğu Hâlâ Maldepe-i kebîr ve sagīr kādısı izzetlü fazîletlü efendi hazretlerinin huzûrlarına mezîd-i i‘zâz inhâ olundukdan sonra muhibbânemiz oldur ki kadîm-i eyyâmdan bâ-hatt-ı hümâyûn-ı şevket-makrûn Dergâh-ı âlî yeniçerilerine postal-baha ta‘yîn ve ihsân buyrulup kolluklarda hâlâ taht-ı hükûmetinizde vâki‘ yasakçı olan ref‘ olunup yerine üslûb-ı sâbık üzere Dergâh-ı âlî yeniçerilerinden es-Seyyid Ahmed Ağa b. ( ) nâm yoldaş işbu bin yüz seksen senesi mâh-ı Şa‘bâni’l-mu‘azzam gurresinden senesi tamâmına değin yalnız iki değnek verilüp yasakçı ve zâbit nasb ü ta‘yîn olunmağın işbu mektûb tahrîr ve irsâl olundu vusûlünde gerekdir ki merkūmu yasakçılık umûrunda kıyâm ve istihdâm eyleyüp âharı müdâhale etdirmeyüp tarafınıza merâmınız üzere eylediği umûr-ı husûslarında gıbbe’ş-şer‘ ve’l-kānûn imdâd ve i‘ânet eyleyüp hilâf-ı şer‘ [ve] mugāyir-ı kānûn bir kimesneye rencîde ve remîde etdirmeyesin. Tahrîren fi’t-târîhi mezkûr.