Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 158 Hüküm no: 163 Orijinal metin no: [31a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bilecik kazası Gölpınar köyündeki Teraşe Baba Zaviyesi zâviyedarı Kafiye Hatun bt. Hasan’ın vefatıyla yerine oğlu Ömer b. Mehmed’in tayini Ma‘rûz, Medîne-i Bilecik kazâsına tâbi‘ Gölpınar karyesinde kâin Teraşe? Baba Zâviyesi Vakfı’nın zâviyedârlığı evlâdiyet ve meşrûtiyet üzere bâ-berât-ı âlî mutasarrıfı olan Kafiye Hatun bt. Hasan üzerinde olduğu Anadolu Muhâsebesi’nden muhrec derkenâr olunmağla meâl-i arz ve baba lafzına nazaran zâviye-i mezkûr mülgā Bektâşî zâviyesi midir, keyfiyeti bi’t-tahkīk iktizâ-ı i‘lâm olunmak bâbında sâdır olan fermân-ı âlîşâna imtisâlen kazâ-i mezbûr ahâlîsinden bu esnâdaDer-aliyye’ye gelen bî-garaz erbâb-ı vukūfdan Hâfız es-Seyyid Mustafa ve es-Seyyid Hüseyin b. Hasan nâm kimesneler meclis-i şer‘a celb ve keyfiyeti gereği gibi suâl olundukda zâviye-i mezkûr mülgā Bektâşî zevâyâsından olmadığı ve derûn-ı arzda tahrîr ve inhâ kılındığı üzere mezbûre Kafiye Hatun müteveffiye idiği ve dârende-i arz merkūm Ömer b. Mehmed müteveffiye-i mezbûrenin sadrî oğlu olduğu ve zâviye-i mezkûre vâkıfın evlâd-ı eslah ve erşedine meşrûta olmak üzere te‘âmül-i kadîmi cârî olageldiğine nazaran merkūm Ömer b. Mehmed’e meşrûtun-lehi olup bundan gayri müstehıkk-ı âharı olduğu ma‘lûmumuz değildir deyü herbiri alâ-tarîkı’ş-şehâde ihbârlarıyla mütehakkık ve ayân olmağın bu sûretde zâviye-i mezkûre müteveffiye-i mezbûrenin mahlûlünden sadri oğlu merkūm Ömer b. Mehmed’e ber-mûceb-i amel-i kadîm tevcîh ve yedine berat-ı şerîf-i âlîşân verilmek iktizâ eylediği huzûr-ı âlîlerine i‘lâm. [Fî] 21 C sene [12]49