Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 159 Hüküm no: 165 Orijinal metin no: [31a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ohannes’in kendisi küçükken Herecoğlu Ehabeb’e satılan Karahisar-ı şarki’nin Tarcız köyündeki evini geri almak istemesi Sahib-i arzuhâl Ohannes zimmînin babası Arsenik zimmînin Karahisar-ı Şarkī kurâlarından Tarcız karyesinde vâki‘ bir bâb mülk menzilini mersûm Artin zimmî hâlikinden[helâkinden] sonra mesfûr Ohannes zimmî sagīr bulunup hâlik-i mersûmun dâyinleri menzil-i mezkûru 600 guruşa derûn-ı arzuhâlde mezkûrü’l-ism Herecoğlu Ehabeb zimmîye bey‘ eyledikleri ve sahib-i arzuhâl-i mersûmun rüşd [ü] bulûğuna munzam olup umûrunu rü’yete muktedir olduğundan mesfûr Ehabeb zimmîden menzil-i mezkûru istirdâd murâd eylediği meâl-i arzuhâlinden müstebân olup fi’l-hakīka dâyinlerinin alacakları lede’ş-şer‘ sâbit olmaksızın mı bey‘ olundular yoksa ma‘rifet-i şer‘le mi bey‘ olundu bu vechile olduğu zâhir[e] ihrâc olunur mevâddan olmamağla menzil-i mezkûra vâzı‘u’l-yed olanlar ile sahib-i arzuhâl mesfûr Ehabeb zimmî mahâllinde terâfu‘-i şer‘-i şerîf olunmak bâbında kazâsı hâkimi efendi dâ‘îlerine hitâben bir kıt‘a fermân-ı celîlü’l-unvân sudûru re’y-i sâmîlerine menût idiği imtisâlen li-emri’l-âlî huzûr-ı âlîlerine i‘lâm olundu. Sene [12]49