Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 167 Hüküm no: 174 Orijinal metin no: [32b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ruha kazası Suruç nâhiyesindeki Şeyh Müslim Camii müezzinliğinin yarım hissesine sahip Seyyid Hamza’nın vefatıyla hissesinin Şeyh Hüseyin b. Abbas’a tevcihi Ma‘rûz, Sâdır olan fermân-ı âlîlerine imtisâlen işbu arzuhâl ve derkenâra nazar olundukda Ruha kazâsına tâbi‘ Suruç nâhiyesinde vâki‘ Şeyh Müslim Câmi‘-i şerîfinde nısf müezzinlik cihetine bâ-berât-ı âlî mutasarrıf olan es-Seyyid Hamza bilâ-veled fevt olup yeri hâlî kalmağla mahlûlünden nısf hisse-i müezzinlik-i mezbûre vazîfe-i mersûmesiyle kendüye tevcîh olunmasını sahib-i arzuhâl Hüseyin b. Abbas dâ‘îleri işbu arzuhâliyle istid‘â eder, fi’l-hakīka müezzinlik-i mezbûre vazîfe-i ma‘lûmesiyle el-yevm bâ-berât-ı âlî Şeyh Emin b. Şeyh Ali ve Şeyh Hamza b. Eyüb nâm halîfelerin bâ-berât-ı âlî iştirâken üzerlerinde olduğu askerî rûznâmçesi derkenârında müstebân husûs-ı mezkûru kazâ-i [mezbûr] ahâlîlerinden Der-aliyye’de müsâfiren sâkinler Hâfız Ahmed b. Ali ve Said Bey b. Mustafa Bey nâm kimesnelerden istihbâr olundukda merkūm Şeyh Hamza’nın fevti vâki‘ ve müştereki Şeyh Ali müteveffâ Şeyh Hamza’nın hissesine rağbet etmeyip ve sahib-i arzuhâl merkūm Hüseyin her vechile erbâb-ı istihkākdan olup edâ-i hizmet edeceğini merkūmândan herbiri alâ-tarîkı’ş-şehâde haber vermeleriyle nısf hisse müezzinlik-i mezbûre vazîfe-i ma‘lûmesiyle müteveffâ-yı mezbûr Şeyh Hamza’nın bilâ-veled mahlûlünden sahib-i arzuhâl Şeyh Hüseyin b. Abbas dâ‘îlerine tevcîh ve yedine berat-ı şerîf-i âlîşân sadaka ve ihsân buyurulmak husûsu re’y-i sâmîlerine menût idiği huzûr. Fî 25 Z sene [12]49