Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 37 Hüküm no: 8 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boğazkesen Kalesi Muhafızı İsmail’in tımarını Hüseyin Ağa’ya iltizam ettiği Vech-i tahrîr-i hurûf budur ki Üsküdar kazâsına tâbi‘ Adalar nâhiyesinde bâ-berat-ı şerîf-i alîşân mutasarrıf olduğum Kurdkaryesi nâm karye ve mîrî Boğazkesen kalesi mustahfızlığı tımârımın işbu bin yüz yetmiş yedi senesi Martı ibtidâsından sene-i mezbûr Nisanı gāyetine gelince dârende-i temessük kıdvetü’l-emâsil ve’l-akrân Hüseyin Ağa -zîde kadruhû-ya yüz kırk guruşa der-uhde ve iltizâm olunup ve bedel-i iltizâm olan meblağ-ı mezkûru ağa-yı mûmâ-ileyh taraflarından tarafımıza edâ ve teslîm ve tamâmen ahz ü kabz olunmağla işbu zabt temessükü verildi gerekdir ki tımâr-ı mezbûrdan sene-i mezbûrda hâsıl olan a‘şâr-ı şer‘iye ve rüsûm-ı örfiye ve nısf tapu-yı zemîn ve resm-i arûsâne ve sâir rüsûmât-ı sâireden cüz’î ve küllî her ne ise ağa-yı mûmâ-ileyh dahi ahz ü kabz ve zabt ü rabt edüp tarafımızdan ve taraf-ı âhardan hiç ferd-i âhar mâni‘ ve müdâhil olmayalar. Bende İsmail, Mustahfız-ı Kal‘a-i Boğazkesen