Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 72 Hüküm no: 34 Orijinal metin no: [7b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır Çelebi b. İlyas’ın, Güzelce Sinan oğlu Mevlânâ Mehmed Çelebi’de ödünçten alacaklı olduğu Sebeb-i tahrîr-i hurûf oldur ki, Fahrü’l-akrân Hızır Çelebi b. İlyas nâm kimesne, merhûm Güzelce Sinan oğlu Mevlânâ Mehmed Çelebi nâm kimesneyi meclis-i şer‘a ihzâr ve mahzarında takrîr-i da‘vâ edicek mezbûr Mehmed Çelebi’ye karz-ı hasen altmış sikke-i hasene verdim, hâlâ taleb ederim dedikde gıbbe’s-suâl ba‘de’l-inkâr müdde‘î-i mezbûrdan beyyine taleb olundukda udûl-i müslimînden Mevlânâ Derviş Mehmed b. Ali ve fahrü’l-akrân Mahmud b. Hasan Şah Kâtib nâm kimesneler li ecli’ş-şehâde hâzırân olup edâ-yı şehâdet-i şer‘iyye ettiklerinde şehâdetleri ba‘de’t- ta‘dîli’ş-şer‘î ve’t-tezkiyeti’ş-şer‘iyye hayyiz-i kabûlde vâki‘ olup mûcebiyle hükm olundu. Tahrîren fî evâili Cumâdelûlâ sene 970. Şuhûdü’l-hâl: Mehmed Çelebi b. Süleyman, Abdi Çelebi b. Haydar, Ahmed b. Süleyman, Ahmed Çelebi b. Mehmed b. Turhan, Mevlânâ Alâaddin b. Mehmed, Mevlânâ Tâceddin b. Mustafa