Anadolu Sadâreti Mahkemesi 2 Numaralı Sicil (H. 1251-1257/ M. 1835-1841) cilt: 94, sayfa: 59 Hüküm no: 21 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cüzzamlı olduğu için köyden çıkarılması istenen Gökgöz Halil’in halka karışmamak üzere ailesiyle evinde ikâmet etmesi Sâdır olan fermân-ı âlîlerine imtisâlen istid‘â ve derkenâra nazar olundukda Azdavay kazâsına tâbi‘ Dereyücek karyesi sâkinlerinden Gökgöz Halil b. İbrahim nâm kimesnenin cüzzâm illeti olmağla karye-i mezbûre civârında Tekrek Elma? nâm mahâlde iskân etdirilmesini karye-i mezbûre ahâlîleri istid‘â eyledikleri kazâ-i mezkûr nâibi es-Seyyid Mehmed Hilmi Efendi’nin mührü mutâbık i‘lâmından ve bu makūle memâlik-i mahrûseda cüzzâm illetine mübtelâ olanlar nâssa karışmayıp kendi menzillerinde iyâl ü evlâdlarıyla sâkine oldukları hâlde kendülere taraf-ı âhardan müdâhale vukū‘a gelmemek bâbında evâmir-i aliyye sâdır olduğu kuyûddan müstebân olduğu Dîvân-ı hümâyûn Kalemi derkenârından müstefâd olmağla merkūm Halil’in illet-i mezkûreye ibtilâsı vâki‘ ise ber-vech-i muharrer nâssa ihtilât etmeyip kendi menzilinde iyâl ü evlâdıyla sâkin olduğu hâlde taraf-ı âhardan müdâhale olunmamak üzere emsâli misillü emr-i şerîf-i âlîşân i‘tâsı menût-ı re’y-i âlî idüğü huzûr-ı âlîlerine i‘lâm olundu. Fî 13 M sene [1]253.