Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 212 Hüküm no: 307 Orijinal metin no: [56b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Önceki vakfiyeye ek vakfiye Vâkıfe Habibe Hâtun sonra, âhiri bunun evveline muttasıl vakfiyye-i kadîmesinde kendi nefsine şart ettiği meblağ-ı mezbûrla istiğlâle sâlih bir akār alınmasını ikrâr ettiğinde, meblağ-ı mevkūf-i mezkûr ile ve aded ve mikdârı gayri ma‘lûm fülûs ile mezbûr fahrü’l-müderrisîn Mevlânâ Mahmud Çelebi Hızır’ın mâliki olduğu, Antalya beldesi hâricinde vâki‘ Antalya nehri üzerinde kâin, sâhibine âidiyetinden neş’et eden şöhreti sebebiyle tahdîd ve tavsîfden müstağnî değirmeninin nısf-ı şâyi‘ini ve yine hâric-i belde-i mezbûrede vâki‘, eşcâr-ı müsmire ve gayri müsmireyi müştemil olan, iki tarafdan Bekir b. ( ) mülkü ve Topal Ahmed mülkü ile ve iki tarafdan da tarîk-i âm ile mahdûd bahçeyi ve yine belde-i mezbûrede vâki‘, deniz kurbunda kâin, iki tarafdan Mustafa b. Mehmed ve diğer bir kimesne mülkü ve belde-i mezbûre kalesi ile ve iki tarafdan da Latîf Çelebi b. Mustafa mülkü ile mahdûd olan derici dükkânını cümle hudûdu ve hukūku ile vakfiyye-i sâbıkada musarrah şarta muvâfık olarak iştirâ etti. Akār-ı mezbûr böylece iştirâ için sarf edilen meblağın yerine vakıf oldu. Diğer akārât-ı mevkūfede olduğu üzre muharrer şartlara ve mukarrer zevâbıta ri‘âyetle galle daha önce ta‘yîn edilen şekilde istiğlâl edilecek ve mu‘ayyen yerlere sarf edilecektir. Tâbi‘-i mezbûr, vâki‘ ikrârı bi’l-muvâcehe tasdîk etti. Cerâ zâlike ve hurrire fî evâhiri şehri Ramazan sene seb‘în ve tis‘a mie Şuhûdü’l-hâl: Şuhûd a‘lâhu Fî gurre-i Zilka‘de sene seb‘în ve tis‘a mie