Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 243 Hüküm no: 371 Orijinal metin no: [66b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Paşa Evkâfından ödünç alan Arslan v. Eymir’in borcuna karşılık mücevherlerini rehin bırakması Arslan v. Eymir nâm zimmî meclis-i şer‘-i şerîfde Cezâyir beylerbeyisi iken fevt olan merhûm Ahmed Paşa’nın evkāfına bi’l-fi‘il mütevellî olan Hasan Bey b. Mehmed mahzarında ikrâr ve takrîr-i merâm edip evkāf-ı mezbûre malından zimmetinde karz-ı şer‘îden dokuz bin ve çuka bahâsından dokuz yüz akçe vardır ve zikr olunan çuka bahâsı müecceldir târih-i kitâb gününden bir yıl tamâmına varınca ve zikr olunan deyn için bir köşeli kemer kuşak ve iki altın cevherî istefan ve iki cevherî altınlı iğne ve iki dikme çumra? ve otuz beş kıt‘a yâkut ve bir kıt‘a elmas ve bir kıt‘a pîrûze mütevellî-i mezbûr yedinde rehin-i makbûzdur dedikde mezbûr mütevellî dahi zikr olunan rehinler makbûz idiğine itirâf ettikden sonra her biri âharı bi’l-muvâcehe tasdîk edicek kayd olundu. Fi’l-mezbûr. Şuhûdü’l-hâl: Ahmed Kethüdâ b. Abdullah, Ahmed b. Abdullah, Molla Nasır b. Ali el-imâm, Mustafa b. Mahmud, Nasûh Bey b. (…) Derkenâr: Ahmed Paşa Vakfı’ndan Ve zikr olunan rehinin zararına İbrahim b. Mehmed ve Pazarlı b. Oruc kefîl oldular.